Суук тийгенде же сасык тумоологондо кантип дарыланыш керек?


gripp

Сууктап же сасык тумоолоп калганыбызда дароо эле аптекага чуркап, дарыларды иче баштайбыз. Алар болсо, бир ооруудан айыктырганы менен, башка жагынан зыян келтириши мүмкүн. Көп учурда, дары-дермексиз эле айыгып кетүүгө мүмкүнчүлүктөр бар.

Суук тийсе же сасык тумоолоп калсаңар 4 эрежени карманышыңар керек.

 

1-эреже: диетаны сактоо

Сыркоолоп калганда тамакка өзгөчө көңүл бургула. Жарым фабрикаттарды, спирт ичимдиктерин, таттууну, жумуртканы, майлуу жана күчтүү тамакты ичип жебегенге аракет кылыш керек. Оору менен күрөшкөндүн ордуна организм бул тамактарды сиңиргенге көп энергияны коротот.

Айрым дарыгерлер 1-2 күнгө такыр эле тамак ичпей коюуну да сунушташат. Алардын айтымында, мындайда организм ар-түрдүү зыяндуу заттардан арыла баштайт жана бардык энергиясын ооруу менен күрөшкөнгө жумшайт.

Суюктукту көп ичиш керек. Суткасына 2-2,5 литрге чейин.

С витаминин көп колдонгула. Интерферон – клеткаларды вирустардан коргогон белок, аны болсо иштеп чыгыш үчүн организмге С витамини керек. Ошондуктан бул витаминге бай тамакты же суюктукту көп ичүү зарыл. Төмөнкү жер-жемиштерде С витамини көп деп эсептелет: апельсин, алма, яблоки, киви, лимон, грейпфрут, курма, капуста, пияз, сарымсак.

Аскорбин кислотасын да колдонсо болот. Биринчи күнү анын көлөму 2,5 г болушу мүмкүн, калган күндөрү – 1 грамм.

 

2-эреже: таза аба

Сакайып кетүүдө абанын мааниси зор. Ал таза, өтө ысык жана кургак эмес болушу зарыл. Күнүнө кеминде эки жолу терезелерди ачып жаткан бөлмөңөрдү желдетип тургула. Бул учурда башка бөлмөгө чыгып турганынар оң.

Абаны нымдаткычты колдонсоңор жакшы. Ал жок болсо, төшөктүн жанына суу куюлган идишти коюп койгула. Ага эвкалипттин 2-3 тамчысын тамызып койсоңор аба нымдуу гана эмес, дарылуу да болот.

 

3-эреже: температуралык режим

Денеңердин температурасы көтөрүлсө аны түшүрүүгө шашылбагыла. Температуранын көтөрүлүшү – бул организмдин ооруу менен күрөшүп жаткандыгынын белгиси. Көп зыяындуу вирустар чоң температурага туруштук бере алышпай, алсырай башташат. Бир гана дененин температурасы 38,5 градустан ашканда аны түшүргөнгө аракеттенгиле. Бул температурада денедеги биохимиялык реакциялар бузула баштайт.

Адам температуралап турганда дене аны курчап турган айлана-чөйрөдөнүн температурасына өтө сезгич келет. Ошондуктан суукка чыкпаш керек, же ысык ваннага түшпөш керек.

 

4-эреже: жакшы уйку

Жакшы уйку – ден соолукка өбөлгө. Бат айыккысы келген адам – жакшы эс алып, уйкусу канганга чейин уктап алганы туура болот. Организмге энергияны үнөмдөп, ооруу менен күрөшкөнгө мүмкүнчүлүк бергиле. Ошондуктан ооруп калганда, жумушка чыкпай, баспай, төшөккө жатыш керек.

 

Төмөндө сасык тумоону дарылоодо пайдалуу ар-түрдүү рецептер келтирилет

Түштүк Африкада сууктап калганда жарымы бал, калган жарымы кара мурчтан турган суюктукту колдонушат.

Тибетте сарымсак кошулган спиртти сүткө кошуп ичишет.

Еврейлер сууктап калышканда тооктун ысык шорпосун ичишет. Шорподогу цистеин аминокслотасы былжырды азайтат, ал эми буусу мурундун көңгөйүн нымдатып, анын сезгенишин жана мурундун бүтөлүшүн азайтат.

Америкада сасык тумоолоп калаары менен төмөнкү рецепт менен жасалган суюктукту ичишкенге шашылылашт: чай кашык жалбыздын үстүнө бир стакан ысык суу куюп, аны 3-5 мүнөт жай отто ысытыш керек, андан соң аны чыпкалап алып, ага чай кашык бал кошулат; сарымсактын бир бөлүгүн майдалап туурап, кашык менен жакшы эзип, ага жогорудагы суюктукту куябыз. Даяр жылуу дары суюктукту жатаардын алдында ичиш керек.

Индияда иммундук системанын иштешине дем берген имбир кошулган чайды колдонушат. Вируска каршы 10 компоненти бар имбирь инфекциянын организмге тереңдеп киришине жакшы бөгөт болуп эсептелет. 280 мл жылуу сууга майдаланган специяларды кошуп (кара мурчтун 4 даны, 4 даана кардамон, 3 гвоздика жана даамына жараша имбирь менен корица), аны кайнагандан кийин жай отто 20 мүнөт кармаш керек. Ичердин алдында ага бир чымчым кара чай, бир аз сүт жана чай кашык бал кошулат. Боюнда барларга имбирди колдонууга болбойт.

Гректердин дарысы индиялыктардыкына окшоп кетет. Апельсиндин же лимондун 2 тилимин 2 станан кызыл виного салышат, чай кашык балды, 2 гвоздиканы жана чымчым корицанын кошуп, суюктукту кайнатып, аны ысык кезинде кичинеден ууртап ичишет.

Орустар ооруунун алгачкы белгилерин сезээри менен төмөнкү дарыны ичишет. 300 граммдык идишке, анын 1/3 бөлүгүндөй ысык чай, так ушул эле көлөмдө кызыл вино (адатынча кагор) жана да малина вареньесин куюп, бир лимондун ширесин кошушат. Жатаардын алдында ичилет.

Мексикалыктар калмепирден ашкан дары жок деп эсептешет. Калемпир былжырды азайтат, бронхту кеңейтет, коюлантуучу жана микробторду өлтүрүүчү мүмкүнчүлүктөргө ээ. Ооруй баштаганын сезген мексикалык тилдин баш жагына чай кашыктын төрттөн бир бөлүгүндөй майдаланган калемпирди салып аны дароо муздак суу менен ичип иет.

Кыргыздар койдун майын көп колдонушат. Өрчүп кеткен бронхит учурунда жана кургак жөтөлдө төштү жана арканы эритилген койдун майы менен сүртүп, полиэтлен менен жаап адам жылууланып жатышы керек. Айрым учурда койдун майына бал кошсо болот Мындайда аны жатаардын алдында кылган оң. Адатынча 1-2 жолудан кийин адам жеңилдеп калат. Ысык сүткө эритилген бир кашык койдун майын кошуп жатаардын алдында 3-5 күн ичкен да пайдалуу.

 

Эгер 3-5 күндөн кийин жакшы болуп кетпесеңер, дененин температурасы түшпөсө, анда бул сасык тумоо же ОРВИ болбошу мүмкүн, дарыгерлерге кайрылган туура болот.

Advertisements

Жооп калтыруу

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Өзгөртүү )

Google+ photo

You are commenting using your Google+ account. Log Out /  Өзгөртүү )

Twitter picture

You are commenting using your Twitter account. Log Out /  Өзгөртүү )

Facebook photo

You are commenting using your Facebook account. Log Out /  Өзгөртүү )

w

Connecting to %s