Кантип эс-тутумду жакшыртса болот?


Сүрөт http://fishki.net/ сайтынан алынды

Сүрөт http://fishki.net/ сайтынан алынды

Эгер унутчаак болсоңуз же жаңы маалыматтар эсиңизде начар сактала турган болсо төмөнкү кеңештер сиздерге пайдалуу болушу мүмкүн.

1. Колуңуз менен жасаган нерсени үнүңүздү чыгарып коштоп айтып туруңуз

Мисалы, үйдөн чыгып жатканда: “Мен газды текшердим, өчүк экен, лампаларды өчүрдүм, үтүктү карадым, ал өчүк, эшикти жакшы жаптым, ачкычты үч бурадым…” ж.б.д.у.с.

Бир кыймыл аракет тууралуу сигналдар мээге ар-түрдүү сезүү органдарынан түшсө, бул кыймыл аракет же маалымат мээде бекемирээк сакталаары аныкталган.

Мындай ыкманы маанилүү иштерди жасап жатканыңызда колдонгонуңуз туура болот.

2. Унутчаактыкты таштайм деп өзүңүзгө өзүңүз убада берип, аны сактоону эреже кылып алыңыз

Жасай турган иштериңизди пландап дептерге жазып алыңыз.

Жумушта же үйдө айланаңызда ким эмне кылганын эсте сактап калууга аракет кылыңыз.

Кечинде, төшөккө жатып уктаардын алдында эртеден кечке чейин эмне кылганыңызды эстегенди эреже кылып алыңыз. Кийинчирээк, тескерисинен кечтен тартып эртеге чейин болгон нерселерди эстегенге аракет кылыңыз. Бул эс-тутумга жакшы көнүгүү болуп эсептелет.

3. Ойго келген нерсени дароо жасап туруңуз

Кимдир бирөөгө телефон чалуу керек экендигин эстедиңизби, дароо чалыңыз. Ойго бир нерсе келдиби, дароо жазып койгула. Кийинкиге калтырбаңыз.

4. Кол менен көбүрөөк жазганга аракет кылыңыз

Маанилүү окуяларды, жолугушууларды, даталарды дептериңизге колуңуз менен калем кармап жазган туура болот. Эсиңизде жакшы сакталат.

5. Мээни “кереги жок” нерселерден тазалаңыз

Мурда болгон, учурда өзгөртүүгө мүмкүн эмес болгон нерселер тууралуу ойлордон, тынчсыздануулардан арылууга аракет кылыңыз. Керексиз маалыматтар, эмоциялар мээге күч келтирип, эс-тутумду начарлатат. Мээни өзгөртүүгө мүмкүн болгон, пайдалуу нерселерге колдонгула. Жеңилдеп да каласыз.

6. Мээни такай машыктырып тургула

Мээни булчуңдар сыяктуу эле машыктырып туруу зарыл. Алардын эң жөнөкөй жолдору – китеп окуу, шахмат же шашки ойноо, сканворд менен кроссворддорду чечүү.

7. Зарыл маалымат менен таанышкандан кийин 10 мүнөт эс алыңыз

Кайсы бир зарыл маалыматты эсте жакшы сактап калуу керек болсо, ал маалыматты алган соң же окуган соң 10 мүнөткө тыныгуу жасоо керек. Бул убакыт аралыгында керектүү маалыматтан сырткары эч бир башка маалыматты кабыл албоого аракет кылгыла – телевизорду көрбөгүлө, китеп окубагыла, социалдык тармактарга кирбегиле. Окумуштуулардын айтымында, бул ыкма маалыматты 10%га көп жана узак убакытка эсте тутуп калууга жардам берет.

Advertisements

Жооп калтыруу

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өзгөртүү )

Twitter picture

You are commenting using your Twitter account. Log Out / Өзгөртүү )

Facebook photo

You are commenting using your Facebook account. Log Out / Өзгөртүү )

Google+ photo

You are commenting using your Google+ account. Log Out / Өзгөртүү )

Connecting to %s